道德淪亡。

每朝辨工時間八點半鐘推門返到公司，跟女同事A 打過照面後，總會聽到她對是日報紙內容之評價，而評價，就只會有「好睇／唔好睇」兩款是日精選，別無第三第四選擇，同事A 就是喜歡用好唔好睇來概括報紙的價值，難怪當初滿腔熱血投身新聞界的友人C 會越來越心灰意冷。

挑走聖旨型商報信報大公報，只講多人看的熱門報館，單就新聞選材而不論公平公正的話，蛇果報其實一向都頗為貼近本人喜好，就算頭條新聞連一堆關連報導未能突破本人罩門都好，去到副選新聞，總有一單半單附連震憾照片或離奇光怪案情，甚至自家製電腦模擬案發圖能夠命中要害，直達體內好奇心處，令人不由得放低手上工作跟身邊女同事A 研究一下案情發生的可能性，而呢類新聞，通常都跟風化案有莫大關係。

無錯，同事A 所謂的好睇不好睇定義其實簡單易明，只要當日報紙出現風化案新聞的話，通常都會被列入好睇之列，假若屬於離奇倫常風化事宜的話，更加會啟動起我們之間的討論機制，對案情發表謬論。乍聽好像很賤格，但先旨聲明，我們並非變態得要以人家風化慘事來尋覓快樂原素，何況自從日本影片跟BT 一體化之後，基本上任何離奇古怪的性癖都算不上新奇事，香港人斷比不上日本鬼子狂妄變態，要睇都睇更強更勁，唔係，應該係要睇都唔會跟同事A 一齊睇。

就用上星期其中一個案例作版，女兒邀請數名同學到家中作客，任職保安員的父親就藉著女兒行出行入時狎玩其數名女同學，咁樣搞法，當然斷正死實收場，結局豈止難逃鐵窗生涯咁簡單，可以想像得到做女的都幾難再接受這個父親，家散人亡指日可待。

父親在自己主場用上如斯愚蠢身段犯案，除非事後殺人滅口，否則都幾難可以逃出法網，天底下有很多這類犯罪者，究竟點解唔可以用點時間策劃一下這個關乎到自己一世英名的大計，而要選擇實死無生必定坐牢的方式去圓自己的綺夢？其實到同學們遊樂完畢再帶上面具口罩撓後路矇頭非禮一番，雖則同樣魯莽無恥，但總有避開法眼一線生機存在著，現在光明正大硬橋硬馬的幹，抵死也。

很多風化案犯人都會用上類近上述戇居手法犯事，足證一刻誘惑係大得幾緊要，同樣地，犯罪被捕者都因為幾分衝動才能促成整件犯罪落網見報事宜，相反的話，就會成為法網下的漏網之魚，繼續在社會中游來游去。