Monday 21 June 2010

逾時處分:袁氏劇場之《我是熊》。

近日情緒反覆不定時好時壞,心緒不靈抑抑壓壓兼麻麻煩煩古靈精怪,自信心可謂下滑至開埠以來最低水平,原先打算將自己掟埋一角積極避世以免一不小心得罪旁人,誰不知,又撞著今個月公私兩邊都相當多活動需要出席不能隨便自我收皮,嗚呼哀哉,苦不堪言。

所以呢,以下錄音呢,麻煩大家呢,真係呢,口下留情啦好嘛?我明,我明整段聲帶對大家心靈或多或少會構成不同程度的傷害,但受傷害的同時,請大家務必要相信逾時處分機制乃源自懲罰而非自戀,單單我自己呢關,都真係吞了不下五百口苦氣、跨了九萬幾座刀山才勉強過得了的。

係係係,我承認自己的確有若干自戀,試問沒自戀傾向的人寫部落格來幹鳥?但除自戀,本人同時亦具備自知,日文我只有嬰兒程度,唱歌更屬逢音必走之廢棄級數,所以再戀也好,也不會戀上自己的缺點弱點廢點垃圾點那麼盲目,所以,是次懲罰不論題材、模式、選歌,以致軟件素材皆由溫氏全權提供,大家聽後有啥頭暈身熱噁心不適呼吸不順經期欠準之類,冤有頭、債有主,請認清門號才好淋油踢館找晦氣。

其實跟溫氏的聯名企劃《好想對他說》開文以來一直沒人關注沒人追看沒人感興且沒人覺得有趣,照理側側膊唔多覺該可巧妙避過逾時處分的,但,一來溫氏不停催促本人儘快就範,二來真係有讀者鬼咁神心到本部落留言追數,三來玩遊戲首要條件就是要認真才好玩,假若貿然破棄遊戲規則話閃就閃的話,下次搵鬼陪我癲之餘,遊戲亦名存實亡了,無計,我最終都只好屈服。

大家有否發覺本篇文字纏腳布一樣又長又臭?沒辦法,我多言都不過是想逃避現實罷了。

毛孔假使清楚放大了誰也怕怕,所以收聽時請佩帶耳筒,最好將音量調至靜音,感謝感謝。


我是熊(BOKU WA KUMA)

作詞:宇多田ヒカル
作曲:宇多田ヒカル

ぼくはくま くま くま くま
車(くるま)じゃないよ くま くま くま
歩(ある)けないけど踊(おど)れるよ
しゃべれないけど歌(うた)えるよ
ぼくはくま くま くま くま

ぼくはくま くま くま くま
けんかはやだよ くま くま くま
ライバルは海老フライ(えびふらい)だよ
ゼンセはきっとチョコレート
ぼくはくま くま くま くま


唉,史上自我價值最低落的半個月,我真的不想再做人,做熊好過了。

P.S:原打算兩日限定,但走左轉澳門後,決定將本文常規化。

21 comments:

卡臣 said...

言出必行!
好嘢

你日文咁掂
進軍日本市場啦

Irisssy said...

冤有頭、債有主,請認清門號才好淋油踢館找晦氣
↑↑↑好彩我未有耐返香港唧..........-_-

但我總覺得,一定會有好多女粉絲設法單撈你首歌然後日播夜播......呢,好似佛徒會播果d淨化心靈不停loop阿彌陀佛果d歌呢~~~~HEHEHE~~~~~

...我地下一個企劃唔好再搞d咁既懲罰啦好嗎???

袁健健 said...

卡臣:
......夠喇。

Iris W:
你諗多左,
我唔相信呢個世界上會有人聽多過五次,
包括我自己在內。

唔得!!下一個企劃一定要再搞!!!
重要係狠狠地搞它一鑊!!!!

Maggie said...

為左你呢個懲罰,我會專登開電腦!
因為iPhone聽唔到…

Nat said...

kuma kuma~~~
我喺office差d噴水,kawaii nei~

溫老姊 said...

OMG.....I want the Rilakkuma skin!!
Your voice sounds sooooo nasally stuffed in a way that's almost sexy!
I hope u are late again next time, so we can see the punishment from you!!

Maggie said...

好,聽左喇。以我專業音樂人角度黎聽呢…起碼音準ok先啦…節奏爭少少啦…
但係…真心噴左沙律…因為我食緊沙律。

袁健健 said...

M:
嗚...唔駛評架喇~~~
聽完就埋藏心底裏算啦~~~
節奏方面,
可能係我合成得唔好先會有問題~

呢個故事教訓你,食野唔好亂聽野。

Nat:
....深深抱個歉,段野好快消失,放心。

溫老姊:
唔知你鐘意Rilakkuma,如果係其實我可以送件過你的,我屋企有女裝。
至於sexy....Sigh....

m. said...

幾得意! 你唱得都幾好聽呀! 有無諗過進軍兒歌界? =P

chaumet said...

估唔到你把聲係咁.......都唔係好大懲罰je-.-

c said...

幾好聽喎, 有想跟住唱嘅衝動 (!!)

puiyee said...

點解宇多田光會有首咁既歌??

你唱歌把聲唔似講野wor!

素顏天使 said...

我想 post 呢段o野去微博幫你宣傳下~(大心)

袁健健 said...

Mz:
...我唔想同李家仁醫生爭飯食。

chaumet:
咁都唔大懲罰!?
連我僅有的自尊和自信都催毀了!

c:
...你要睇睇醫生。

puiyee:
呢首都幾hit架喎。

講日文梗係唔同聲啦,
因為每個音都係錯。

素顏:
謝絕宣傳!!!!!!

車厘公主 said...

我一路聽係笑到收唔到聲囉~~
阿袁你仲要chok晒聲咁唱...
好想想像呢個就係平時同我一齊唱ekids果個你....

浪子m: said...

咁小bb既~

UGF said...

嘩..你o既混音技巧咁上乘o既...
教下我好wor

walkinginpark said...

哎呀,今日先發現呢首靚歌tim! haha,把聲係幾sexy wow!!!一d都聽唔出你心煩氣燥要飲太太口服液,我真係一度懷疑呢個係原唱版本(當然我知宇多田光係女人,不過都可以有男歌手翻唱ga ma~)。

FIBI said...

嘩,成個月唔得閒上黎,一上黎就有歌聽咁爆!老老實實,我未聽過原唱版,但你個版本我真心覺得好聽喎!!!

仕仔 said...

- 其實把聲幾靚. (夠老友喇o瓜)
- 好, 等我下載佢做電話鈴聲先. (夠老友喇o瓜o瓜)
- 好好, 等我叫埋其他人來捧場先. (夠老友喇o瓜o瓜o瓜)

袁健健 said...

walkinginpark:
雖然我話口下留情唧,
但你懷疑係原唱就略嫌浮誇喎...

飛比:
多謝俾面啦唉...

仕仔:
有事慢慢講呀!
好野自己聽完就算喇,
千祈唔好公諸同好呀~~