Sunday, 11 March 2007

上車。

在家附近的總站撘上空調巴士後,隨即走上上層中段位置坐將起來,懶型地倚著車窗望著街景作一副沉思狀,過了沒多久回神望向車廂,原來不經意間上層座位已經半滿了,所謂的半滿,就是每個雙人座位皆只坐了一個乘客,就連最尾的長座位亦不能幸免遭兩位麻甩佬各據一方,形成左右兩邊勢力均等、群雄割據的局面,可謂明符其實的半滿。

記得 N年前鏗鏘集曾經報導過一隊大學統計隊隊長在巴士一覺睡醒,偶爾間發現群雄割據此等被其稱為香港獨有的狀況後,回校即時對各乘客類似行為作出深入調查及統計,但唔知點解,這個無聊的統計結果到節目最後都沒有宣佈出來,只約略帶出生活有趣點要運用洞察力在細微事情上發掘出來這個道理。

市面上就係充斥著這類無聊的深入調查,著眼於生活細微部份當然過癮,但總無理由調查一些答案一目了然的事情吧?係咪香港獨有實在無從稽考,但眾所周知,乘客在巴士上喜歡群雄割據,無非就是想坐得舒服自在一點,為自己短短一段乘車之旅爭來短暫私人空間而已,情況尤如單拖食飯,全餐廳滿地空位情況下,實在無理由硬要跟一個陌生人篤眼篤鼻、膝頭撞膝頭迫卡位的,咁樣都要調查一番,比我到今時今日仍然牢記這件事更為無聊。

其實整件事最令我介懷的並非甚麼都市人疏離感這類邵家臻才會有興趣著墨的問題,而係最貼身最關自己事的:

點解每次半滿情況發生後,我身邊空出的位置總係到很遲、接近全車滿座無得揀的情況下才有人埋位就坐呢?

由細到大都走實力派路線,當然不指望早早就有靚女乘客識貨跟自己並排而坐享受九巴服務,同樣地,自問儀表整潔、身無異味、有肉地但絕不侵佔別人空間,但偏偏絕大情況下都成為派對舞會揀餘揀剩的賣剩庶,莫講話老幼異性動物,就連同性小子亦多次擦身而過坐在附近麻甩佬身旁,情況令人關注。

並非杞人憂天,凡事你看我看你,以自己為例,遇到同等情況必選名單可能未能提出,但黑名單卻係寫得出兩三個。首先我絕不會揀選坐在爛身爛勢麻甩佬旁,並非嫌其有礙觀瞻以貌取人,而係頂唔順其一身煙臭味,唔怕聞二手煙,但好怕麻甩煙民一身洗不掉的萬年煙味,坐在旁邊隨著其呼吸起伏傳來陣陣不知幾多萬年的陳年煙臭味,要捱畢全程,比死更難受,當然,靚女係可以得到寛免的;其次不會選坐在手腳不受控制、口水多過瀑布的細路身旁,我討厭細路作風一向為世人所垢病,若然坐在過度活躍症或播音筒細路旁,恐怕會落得跟其大打出手、惹上官非收場。

對於自己為何墜入別人黑名單之中百思不得其解,但我想我呢類人咁難服侍,假若有麻甩佬早早選坐身旁的話,我又可能會多多說話,罵人家痴金糠的了。

8 comments:

pm>> said...

我都係"黑名單"..
可能太有實力吧..

難渡怖山car said...

鬼咩,你個潤滑牌頭都用到好閹悶,等人傑地靈哥哥幫你改個名轉吓運啦!不如叫笠水健2。嗱,熟時熟,老毛盛惠...

潤滑KY said...

pm:你呢類擺明偶像派歌手,實力派個寶座,就唔好同我爭喇。

難渡兄:閹悶係結構性問題,改名呢類門面野搞唔掂架喇,
何況,速水大導0個科太重口味,唔係我杯茶,當歷奇片睇還可以,當消閒娛樂的話,太刺激喇。

難渡怖山car said...

口味同你隻鄭少秋無得揮!

潤滑KY said...

難渡:嘩,咁都比你搵番出黎,我都爭D唔記得左呢條恐怖片。
呢條純粹開眼界既唧,目標同速水大導作品應該不盡相同。

不過講開獵奇,近月睇過《強制系列》,原來先係最恐怖,唔知難渡兄有冇所聞呢?

難渡怖山car said...

以下內容對未夠秤的小朋友及夠秤的kidult絕對不宜,請立即轉台!













《強制系列》?好多路線圖ga bor!不知你說哪些,just to name a few :- 拘束椅子脅迫凌辱;睇吓啱唔啱口味?!唔睇拘束椅子,唔知乜係女性高潮!!

健二呢條友仔,有空才詳談。

潤滑KY said...

嗚哇...
唔岩口味呀,未到中秋,唔想食粽...
不過你話個拘束椅子,好癲喪喎好似。





我先前提過的《強制破壞系列》係邪惡公司 Bakky 出品,呢間野,台前幕後全數喪盡天良。一路睇,我直頭覺得會有隻鬼0係部電腦跳出黎咁恐怖。

不妨講多d 關於健二的,我一向喜歡幕後花絮多過內容。

難渡怖山car said...

唉,小朋友都係食漢堡包穩陣d!