Wednesday 9 December 2009

《福音戰士新劇場版:破》。


身處百老匯電影中心,排隊入場前眼見同場人士以不修篇幅男性居多,而當中更有大部份正在討論歷年《EVA》作品來龍去脈及背後理念,可想而知除了固有死硬Fans 之外,尋常巿民對於《EVA》一系列重新編製的劇場版都不太感興趣。

請不要誤會這關乎於《福音戰士新劇場版》影片質數問題,只因《EVA》入門門檻話低唔低低,單單在網上流傳的種種《EVA》隱藏註解就差不多足以填滿半本《正文社東京旅遊全攻略》頁數,若然閣下唔理三七廿一、在毫不理解其製作理念及種種隱喻背景底下抱著唔用腦心態走入戲院看首集劇場版,真的很難感受得到《EVA》有啥吸引人之處。

先旨聲明,我並不是甚麼《EVA》FANS,更沒硬派得將動畫當藝術品去研究寫論文,入場不過是抱著「動畫漫畫都睇過,唔爭在幫襯埋劇場版啦」心態而已。

經歷過除了畫面之外跟動畫版沒大差別的劇場版首作《序》後,續作《破》可謂來了一個破天荒更新。甫開首隨即安排全新創作女角真希波粉墨登場,老實說,就《破》來說這角色不論對劇情推展抑或戰鬥操作都好像沒甚麼大影響,加上其架著眼鏡作大嬸狀的外表設定,就連我這個眼鏡控亦深感其造型欠缺吸引力。

參號機實驗人選轉變及明日香遭遇確實令我當場暗暗驚叫了兩三聲,但若論震憾,必屬綾波麗變得極度人性化莫屬,需知道一直以來綾波麗最受歡迎設定就是冷酷無口,現在《破》猶如破瓜一樣捅破了過往成功薄膜,新編出一個溫情感性版出來,感覺就好像看著蓋嗚輝在無記劇集擔演懷春少女一樣,雖云例子過於極端及嘔心可怕得多,但箇中不協調感覺雖不中亦不遠矣。

總的來說,《福音戰士新劇場版:破》在畫面質數上得到幾何級進步,故事情節亦有大幅革新不會予人食老本之感,惟獨礙於片長關係很多重要細節及鋪陳只能草草略過沒有細緻展現出來,惟有寄望打後兩集可以將箇中情節演繹得更加完滿。

近期實在太多心水好戲上映,繼有相信睇唔切的《聽說》、需要選擇取捨的《二十世紀少年最終章》和《腦作大業》,還有即將上映的《風雲2》,可謂個人心水熱門檔期,至於那些聖誕鉅片如《阿凡達》之類,不知何故看畢人物造型及電影預告後,就覺得沒甚麼趣味了。

3 comments:

仕仔 said...

係啦, 呢個月真係超忙, 我既心水有:

胆 -
風雲2, 腦作大業, 阿凡達(外星人無間道), 十月圍城, 刺錂, 神探福爾摩斯

拖 -
聽說, 音樂人生(都係因為冒名入場), 不回頭, 三槍拍案驚奇....

睇下最後睇唔睇得哂佢.

袁健健 said...

仕仔:
呢排太多好戲喇,
聖誕檔期有咩戲我都未留意。

但講開又講,
果套《三槍拍案驚奇》既預告究竟做乜Q~?
睇完唔知做咩就一定,
就連個戲名都潦草到唔知寫咩呀大佬~

仕仔 said...

我諗住睇係因為唔知佢講乜, 往往呢類片先跑出..:DDDD