Tuesday, 15 December 2009

不知所謂之《2012 末日預言》。


雖然不太喜歡看傳統荷里活鉅片,但《2012 末日預言》作為近月話題大作,再缺乏興趣都需要走入戲院會一會佢。

一套官能災難片,我當然明白不能要求其故事情節會有甚麼破格之處,胡胡亂亂安排主角一堆人物背景,為的都是引出一連串高超電腦效果和冒險情節,但《2012》的人物設定真的熟口熟面得太過緊要,頹廢前夫分居前妻一條豆釘加上一個接受其過去的男友,同類背景好像已經在同類電影出現過無數次,是西方離婚過案特別多,還是災難片都是要主人公有這樣的一個設計才安樂?

電影進行廿來分鐘後,終於走入戲肉發生一連串異象,先是大規模地震將整個城巿徹底摧毁,再來漸漸出現
Z...Z...Z...

來到中段主角一行人終於跳上飛機,回頭一看整條升降跑道,Z...Z...Z...Z...Z...Z...

再悲觀災難片都需要帶出惡人自有惡報訊息,老早買到方舟船票,卻堆在船外無法搭乘,到船門終於徐徐打開,反派卻 Z...Z...Z...Z...Z...Z...Z...Z...Z...

反反覆覆跟睡魔抗戰真累人,最後把心一橫,豁出去由自己放任去睡,一醒,就好像較鬧鐘一樣剛剛趕得及看到最後一幕,真吹漲。

散場後:

「套野比想像中差好多喎。」

「哈~」友達答。

「D 特技勁還勁,但都係咁冇咩驚喜。」

「哈哈~」友達答。

「做咩唧你?」

「你有資格評論咩?」友達答。

咁...Sorry 囉。

6 comments:

小瓶子 said...

朋友对此片的 comment:

有条友点都唔死, 最后都系无死到. 完.

潤滑KY said...

咁呢類片係咁,冇得怪的。

我除左頭十五分鐘係有意識之外,
基本上打後時間都係夢遊狀態~

要強調唔關套野事,
係我前一晚訓得兩粒鐘就仆入場。

小瓶子 said...

甘就算连场精彩, 訓身肉搏既床戏, 你都起唔到架啦.....


我意思系.........起.......唔到身...

潤滑KY said...

肉搏床戲應該都起唔到身...

咁當然,
我自己親身上陣除外~

Desertfox said...

亲身上阵然后中途睡着怎么办?

小瓶子 said...

米好尴尬咯!