Thursday, 31 December 2009

強烈譴責林積積。

東區之友互助委員會特約:司徙陳暖意火鍋2009冬日聖誕聯歡Fun又Fun週年Party Show 於十二月二十三日晚完滿結束,當晚參與賓客人數多,又食又拎又唔駛煩有屋主搞埋的滿載而歸當然可喜可賀,但唔好意思,佳節流流就快踏入新一年也好,對於林積積唔識貨地以一臉厭惡模樣於友部客串貓模著用本人送出之心愛聖誕禮物,不得不向其同屋主素顏氏作出部落格界中最高級別的譴責。

這份被本人忍痛撥入「賤」類的聖誕禮物鬆弛熊套裝,個人而言一點都不賤之餘,親手包裝兼提字一刻,甚至還依依不捨得從眼角緩緩滴出一顆淚來,可想而知份禮係割愛得幾咁緊要。

鬆弛熊套裝來自兩年前東京之旅,話說本人向來酷愛拑公仔且渴望得到一套獨特可愛的公仔套裝,當身處池袋世嘉中心遇見店員們穿著此套裝可愛CuteCute 的作限時宣傳,心花怒放,即時夥同友達孖實公仔機,研究一下應該採取甚麼方法才能輕鬆奪得這份當店獨家限定景品。

此項景品分雌雄白鬆弛及啡鬆弛兩款,前者作口水肩狀,後者則尤如一件披肩,堪稱雌雄雙股套裝。我喜歡享受齊人之福,要拑的話當然就去盡拑齊兩款,盤古初開還未捉到竅門時,都花了好幾百JPY 才奪得首件白版套裝,但經過細心觀察機種運作摸式及數番磨練後,捉到要訣用心去幹自然水到渠成,到店方打烊一刻跟友達手執三套合六件歡天喜地離場,箇中快感滿足感,如沐春風,實在非筆墨所能形容。

積積仔不是好的貓模,素顏氏不是胡亂賣樣的女模,我做試範怕被人叫我老模,適逢近日為遊日做準備翻看舊照,發現當年入手後友達著用照片,見零九末日,興之所至,不妨在此出賣一番。


呵,雖然上圖充滿成為靈異照的特質,但真心覺得這套衫非常可愛,若然能夠得到鬆弛熊原套夾乸衣系列,我絕對義無反顧願意穿上全套熊裝走落樓下麥記買一客巨無霸餐*的。


*只適用於外賣自取,堂食除外。


本年度滅亡將至,亦係本部落格重開一週年紀念,原先打算只半年開業限定就重新落閘摺埋的,但捱下捱下不知不覺又頂過一年,還可以繼續下去嗎?極限了極限了。

文章個尾位從來都好難收得好,既然一切已經來到最後,唔好煩,行行地都係果味老土野搞掂:


「新年快樂。」

4 comments:

仕仔 said...

全文加照片最靈異的地方, 就係在最後那張照片中, 無啦啦0係友達肩膀上有一隻黑鳥, 鬼異程度真係同當年九鐵廣告班細佬肩頭出現的鬼手有得輝呀.

我也祝你新年快樂, 來年識番十個八個港女滿足一下 XDDD

Anonymous said...

難怪你自我介紹說勉強為持營業,看來真的很勉強!拉閘了?還是祇是今年乍!明年?下星期還繼續吧!不過重來尊重部主意願!人權嘛!或者我來晚了,雖然我吾係巳作古人的趙總....
或者可重讀你過去的網誌,應該都好有味道的,我真係對《hea》種有難以形容病態般的辟好啊!
也祝你新年快樂,網誌繼續經營!

yip

素顏天使™ said...

喂林積積無遮面素顏上鏡,你唔 post 友達都 post 下你自己啦,年終大酬賓丫嘛!

潤滑KY said...

仕仔:
勁呢隻黑鳥?不過冇左隻黑鳥場面重得人驚呀~

另,旅行在即,又放假放散左個人,
篇交叉感染比多d時間我~~~~

素顏:
一見到大酬賓之類就好想調轉讀,情況就同賓客人數多一樣.