發覺近年看港產片後返家寫的電影文章，文中總會出現一次半次千錘百鍊又或千辛萬苦等四字詞，歸根究底，就是港產片日漸式微帶來的效果，就好像今次所寫的電影《再生號》，又真係經過千錘百鍊才能夠夾得好時間入戲院捧場的，印象中除了開畫首日上映場次比較多之外，打後日子影院極少之餘，有很多平日還只上頭場。電影只上這種壞學生才會逃學入戲院訓覺的敷衍時段，要有好票房就只有望天主打救。
我對《再》片導演韋家輝一向很有戒心，跟杜琪峰合作時作品絕對有保證，但假若自立門戶掛上「韋家輝作品」招牌的話，電影又會呈現不穩狀態，最常見問題乃電影意念很有趣、很值得探討，但延伸下去的故事內容卻好像力不從心、承接不了命題，結果行了很多寃枉情節才能到達電影終點。
今次韋導沒有這個問題，但製成品始終不能令我滿意。
我真的很怕《再》片這類電影的說故事手法，從主角寫的小說內容來開展故事，係有足夠主角的悲劇背景去支撐情節，但觀眾們老早知道所看的都是小說內容，試問叫人應該如何投入？我有時會想，拍電影最不可用述事手法除了上述之外，另一個就是用大量旁白去串連故事，唔係話無成功例子，但需要大量異常精警旁白和生鬼演繹才能水到渠成，既然能力要如此超卓才能成功，幹嘛還要選擇行上這座虎山？幸好《再》故事帶點懸念，橋段常處於似扭非扭狀態，才不致失敗。
個人認為《再》的劇本是不夠素材去支撐九十分鐘電影故事的，所以去到電影中段故事就開始慢慢放緩，令人有遊離感覺，趣味只一般而已，但看畢全片步出戲院時我就在想，今次韋導或許是想賣自己對往生的想法和概念多於一切，所以看《再》片時就好像在上理論課一樣，亦是令我未能全情投入故事情節原因之一。
除了谷祖琳演戲一向不被我所喜愛之外，其餘主要角色都十分稱職沒甚麼好挑剔，不過配音不對口形情況十分嚴重，令人看得不太聚財，差不多來到電影中段習慣了配音模式才能夠舒服入戲。
總的來說，《再》片雖然沒了我過去對韋導的不滿，但依舊沒能得到我的歡心，或許韋氏單拖作品先天性就跟我性格不合，不太合我脾胃吧。
先前預計會看的中外電影大致達標，接著要看的港產片若然不是《竊聽風雲》的話，試問還可以是甚麼？難道會是《大內密探靈靈狗》嗎？又應該這樣說，一套就連Trailer 都充滿冷點的喜劇，你會有興入場嗎？
8 comments:
幾經協調, 最後還是趕及在落畫前看了再生號, 也興幸自己沒錯過此片 (雖然, 我這麼說, 並不代表覺得此戲非常非常好看)
這戲其實有很多不足的地方, 除了你說的那些之外, 在處理現實/小說/小說中的小說故事方面比較混亂. 開頭至中段還ok, 到長大了的melody去青雲家見工那段, 與林熙蕾和oscar的空間交接的處理難免令觀眾看得吃力.
或者導演不太明白大部份觀眾是不太接受難明的故事, 直線的舖陳就最深得人心(因為唔洗諗), 曲線得來有意外結局是近年人們要求的東西, 如此電影扭來扭去, 只要有讓觀眾跟不上之嫌, 看首影那班一個不喜歡, 觀後感寫你一個大花面, 真休想再有運行.
亦因此解釋了為何這電影的成績欠佳.
雖然是這樣, 我還是覺得此電影蠻ok的. 一來我對此種題材有偏好, 二來, 以感覺來說, 真是感覺良好. 色調氣氛和諧, 劉青雲做得比竊聽風雲中好, 唯獨谷袓琳的樣子有點破壞氣氛.
這一次韋家輝又沒有成功, 老實說, 真替他將來的路擔心呢.
又, 《大內密探靈靈狗》就是trailer都已經吸引唔到我, 除非有票送, 否則我應該唔會睇.
冇辦法, 周星施在呢類電影的位置,始終冇人能代替的.
仕仔：
我還以為那種混亂感係導演刻意製造出來,令觀眾有「或者劉青雲果邊先係現實世界呢」的感覺呢~
不過其實票房唔算差了,映院少時間差都有幾百萬,算唔錯的了~
劉青雲《竊聽風雲》個角色先天性就比唔上《再生號》的突出,又盲又多內心戲,係比較好發揮的~但,《竊聽風雲》幾好睇~
個人認為韋家輝唔係太擅長用畫面說故事,而機會佢近幾年都真係唔少,如果黎緊兩套唔掂的話,還是回巢銀河吧。
《大內密探靈靈狗》基本上冇得同周星馳果d比啦,王晶近年喜劇嚴重脫節,又應該講,係靠向內地多一點,已經唔適合香港了。好似呢套《大》,trailer內基本上冇一個位係令我覺得有趣的。
你也覺得竊聽》好看啊.
我睇完之後, 再睇番d影評, 套戲比人彈到一"動"都冇, 我仲以為自己有問題呢.
"我還以為那種混亂感係導演刻意製造出來,令觀眾有「或者劉青雲果邊先係現實世界呢」的感覺呢~"
---唉, 我還以為那種混亂感係導演處理不當造成的呢~
我真的不想韋家輝太快收皮, 畢竟有大時代情意結, 所以唔多唔少對佢有大d既寛鬆度.
下?有影評彈到《竊聽風雲》一楝都冇?
難以置信喎,其實我唔係覺得幾好睇,係覺得好好睇囉,雖有沙石,但劇本很具追看性~近期港產片計,呢套係平均地高水準~
"唉, 我還以為那種混亂感係導演處理不當造成的呢~
--哈哈,我就係因為覺得佢刻意先話佢過程中似扭非扭~不過我諗你個可能性會大d,因為我睇時真係未能全情投入,好多雜念呀~
講開大時代,我睇《竊聽風雲》炒股果幕,有五秒鐘記起方展博~
其實佢返銀河都未嘗唔係好事,佢拍杜sir真係特別好看~
你看呢度
我覺得竊聽的劇本好, 尤其係細節, o係我睇完套戲再諗番有好多個位, 發現編劇係精心安排的. (本來想提下, 但又怕劇透, 所以都係克制一下)
我也有諗起方展博, 但係個衝擊差好遠.
"其實佢返銀河都未嘗唔係好事,佢拍杜sir真係特別好看~"
---咁可能杜sir份人好難頂呢.
唔好意思，路過此地。
我覺得「再生號」好睇，但某程度上同個人經歷有關。所以，或許作為一部電影她(直覺呢個係「她」)未必係一套好好既戲，但對於曾有差唔多經歷既人黎講，佢真係俾到D野我，係解脫又好，係療傷又好，又或者係宣洩都好！
Post a Comment