Friday 31 July 2009

近期我喜愛的生活小事。


買了大半年的電腦枱採用玻璃桌面,遂急需一塊滑鼠墊去服侍我那隻光學滑鼠使之能夠順利滑行,但自己向來抱著「滑鼠墊不應該花錢去買」的邪教信條,加上將原有滑鼠放在隔離餐枱亦可以將問題解決,事情沒迫切性,又找不到美觀合眼緣,就遲遲都沒添購了。

勢估唔到,最後竟然需要在台北才找得到能夠滿足我上述兩個願望的心水滑鼠墊。


我不太愛吃冬甩,但我卻很愛日產冬甩店Mister Donut 的肖像物波堤獅,旅台期間見MD 正推出買冬甩加飲品送「波堤獅與牠的甜蜜朋友」滑鼠墊企劃,鼠墊賣相很得我歡心之餘又符合我那個奇怪信條,既然緣份那麼無遠弗屆,自然唔能夠放過。

話說回來,不愛冬甩,幹嘛無啦啦會如此CuteCute 留意起MD 的波堤獅來?無他,只因數年前機緣巧合下看到MD 首席代言人相武紗季演的那輯系列廣告,就極速愛上。穿上一身侍應制服故之言吸引死人,最要命還算是每到廣告尾Close Up 的那個相武招牌式咧嘴可愛笑容,由於我一向酷愛笑起來嘴角會側向一邊的笑臉,就更加無法抗拒了。


我的評女品味一向為人所垢病,個人認為今次正正就是一洗污名的大好時機,不過隨時日在遠飛,現在的相武已經沒有以前那麼可愛殺死人,在她新一輯的MD 廣告裏那個側嘴笑容和模仿《IQ 博士》小雲的架勢雖然仍然很得我歡心,但看著那副黑色素過度擴張的臉容,不禁喑嘆一句歲月催人。


在台北優閒地過了五天好日子,甫回港返家隨即好像跌回現實世界一樣,打開電腦,艱苦地追回過去五天的日劇和動畫進度。正當打著呵欠半恰睡狀態看著本季新番的《化物語》,來到以下一幕,忽爾就醒了過來。


請留意圖片左上角,貼在牆上的正正就是「波堤獅與牠的甜蜜好友」海報,映入眼簾一刻除了暗呼一聲有趣之外,還不禁樂了一陣子。其實在小女孩腳邊那隻小波堤獅在台北MD 都有得換的,但礙於要兩日吃十圈關係,跟友達倆口子就卻步了,現在回想起來真有點後悔。


先來個比如,若然GL 跟BL 屬於兩個敵對屬性的話,那麼我跟友部主理人Iris W 聚在一起恐怕就會出現械鬥場面了。動畫的話我一向鍾情於GL 題材,所以今季新番動畫可謂特別合我河車,而是季眾多GL 動畫當中,最為得我歡心就有志村貴子的《藍花》。

志村貴子漫畫作品劇情一向很細膩好看,動畫版《藍花》貫徹原作畫風優雅而故事淡淡然,加上志村向來撚手的同性曖昧的愛,可堪細味,令人看得入神。

入神到一個程度係,我捨棄用了好幾年的《戀愛夢遊中》災難月曆Wallpaper,改用了在《藍花》官方網免費提供的Wallpaper 囉。


說起來都真有點羞羞臉。

9 comments:

windy said...

我也有套波堤獅的碗+咖啡杯,是某年去日本好辛苦的換回來的,MD的增品真的好漂亮,質量也高,我想如果能在香港開業應該不錯,要知到香港人好喜歡換禮品而且它的禮品靚!
原來你去了台灣旅行.

袁健健 said...

係啦,我正想講,日本MD D精品係好鬼吸引好鬼靚,個官網d限定精品但D Point 極之難儲,而旅客就更煩啦~
香港開...唔好啦,如果開的話以後去台/日又少左樣期待了~

係呀,之前我宣稱儲稿咪就係去台北囉~

係喎,但你去日本MD 點JOIN 佢個會換精品架?

袁健健 said...

痴線,打打下唔記得打埋另外一半...

上文「個官網D限定精品」之後係「就已經令我好想擁有了~」

windy said...

男友那時在日本唸攝影,我間吾中就去讀...四圍hea八掛下就搞左好多儲point card,日本連食碗拉麵都可儲分夠了又換一碗免費的,好識回饋客人,果套碗+咖啡杯仲係度呀~(其實我吾多鐘意食冬甩)真係正到無倫,就算話我崇日都係咁話!
記得有次高島屋遲了送貨還會有個職員送小禮來道歉添~真係好感動!
你都講得岩,米鬼開泥香港,到時出去玩間間都熟口熟面就沒意思,而且一有香港分店就吾馨香...人是犯賤的~
吓...咁你未好多遊記要打...*.*

windy said...

更正:間吾中就去陪讀

Irisssy said...

想講好耐, 袁生你右手邊個anime清單有無再長D呢?? XDD 印象中好似從來都只有三四項咋喎~~

......見到你咁高調地將我同BL放一起我都有點羞羞臉耶。

PS:我搬左屋, 包薯片未寄既話勞煩寄去新地址(已send到電郵)~

袁健健 said...

IRIS W:
喂事關今季真係得呀大佬,套套都有看頭的~
都係果句,強烈推介藍花~

冇呀~唔係呀~~請留意句首「假如」兩個字,係假如來的~我搵你做例因為好耐無0係樹提過你個BLOG唧~XDDDD

......對唔住呀青天大老爺,
我上星期PACK箱時發現左件趣事,
包野過左期囉~~~XDDDDD
我要買過包頂替~~
下星期必寄,唔係的話我罰自己用英文打BLOG一個星期。

袁健健 said...

Windy:
係啦,it系引入的那些牌子、pepper lunch、mos...絕望啦~

遊記...打完名古屋(唔知幾時先打得完),重有東京,跟住先台北...
可能到時都死左了~

Irisssy said...

倘若係一朵藍色的菊花,
我都會睇睇既(唔好YY唔該)~~

有義氣! 俾你提一提之後, 我果樹人流當堂急升!
可惜近排無乜心機更新無野好睇啦車~~ XDD

不如你買較難過期, 好似糖之類果D啦,
我怕你打完一個禮拜blog包野都依然未寄囉~~~XDDDDD