Monday 26 October 2009

少年食神。

若然閣下有睇開《Hong Kong Walker》,就會有一種少年食神近來好像變得很紅的感覺。

少年食神的發跡史是一個謎,總之他的掘起對我來說就跟《我與苦瓜情緣》差不多,年少時明明不甚喜歡,但有日忽爾間好像開了竅一樣變得「苦得黎都幾好伴飯喎」,由A 一跳就是Z,中間蘊釀期欠奉,一現身就以神明姿態示人完全無跡可尋,凡事必定內有乾坤,但我不明就裏,自然感到莫名其妙。

煮野又不是甚麼高科技,有心學的話花點時間總撚得出幾味拿手菜,但外表好壞則與前世陰德有莫大關係,想學都學唔黎,所以美女廚神才會成為噱頭,那麼少年食神的賣點又是甚麼?直覺上年青不能成為當店限定,所以在盤古初開還未見過食神真身的時候,我就幻想他是一個溫文爾雅又滿有才氣的年青好食之士,結果,當廬山真面目顯現在《HKW》,老實講,登時都真係打左兩三個突的。

我是一個以貌取人的膚淺族人,食神樣貌怎樣社會自有公論,望多兩眼甚至還很遺憾發覺跟自己有三四分相像,跟心目中「少年食神」應該有的形象確實有震憾性衝突。君不見我們食神韜韜那滿有福氣的肚脯多麼的圓渾有勁嗎?想深一層,叫得食神,食量驚人,所以少年食神心廣體胖自然在所難免,但我實在唔多頂得順他那每張相片裏皆保持充份油膩感的朱唇,望落就覺得推介的食物好像都很漏。

總之油唇烈焰極盡倒胃,跟預想中的溫文才俊有很大出入。

除了《HKW》紙質太好導致油光滿唇令我呈反胃狀之外,此寶號賣點亦令我覺得莫名其妙。話說少年食神跟《Walker》合作到泰國和台灣介紹食物並結集成書,可能旅遊雜誌實在介紹得太多關係,部份宣傳重點竟然落在「不消一會一口氣吃了五碟海南雞飯」和「分半鐘完勝一客鰻魚飯」身上,可謂怪異透頂。小林尊出版美食指南先天性認受性成疑,快槍手講述完美性愛笑話大於一切,連氣吞掉五碟海南雞飯代表些甚麼?鰻魚飯食得咁急又所為何事?跟發跡史一樣都是一個謎。

究竟為甚麼寫了上述一大堆惡毒謬論依舊期期《Hong Kong Walker》照捧場?其實睇書就跟交朋友一樣,好睇岩睇好傾岩傾就足夠,至於隱藏背後那些關人鬼事的謎,無需深究,深究都多餘。

5 comments:

浪子m: said...

即google一下, 好陽光

http://www.hongkongwalker.com.hk/house_ad.html

Anonymous said...

"小林尊出版美食指南先天性認受性成疑,快槍手講述完美性愛笑話大於一切"

之所以咁鍾意睇你寫嘢! 哈哈!
CC

袁健健 said...

M:
亂嗡無謂遊戲唧~

CC:
呵呵~
原來鐘意睇隱喻性衰野~

Anonymous said...

呢個肥仔果然唔係好人,先生您一年前已經批示,實乃神人也!

Anonymous said...

真是假的真不了!此人水亦吹夠了!!!前排佢仲做做花旗蠔代言人,,,作為曾經同佢共事過的人真是受不了同亦感到人在做天在看。跑不掉的!