Monday 15 March 2010

熱烈祝賀「一篇文章得到二十個意見或以上」成就解除。

先感謝各位,就在我寫出本部落格某幾項營運目標下一天,「一篇文章得到二十個意見或以上」的目標就被各位有心人眾志成城幫忙底下達成了。

有見及此,請問我可否在此反悔呢?

其實發達先係我做人終極目標呀唔該。


做咩呢?大家係咪有點誤會呢?剛剛過完大海搏殺疲累回巢,打開電腦駭然發現電子郵箱積聚二十餘未開信件,而其中十餘封竟然關於前文《無謂的目標》,可謂極度受寵若驚,由於本次留意見事件牽涉達十多二十人,本濕柴部落格就好像那些家庭式小店忽爾被名人介紹而弄得門外排滿客人無法應付一樣,一下子都不知應該如何是好,諗諗下,就不如開一篇賀文搞搞佢。

聰明的大概都想像得到以上只是一個美其名的藉口,事實係我去完三日兩夜馬交後苦無話題好寫,才想到可以借頭借路以意見作題揼堆字出來當篇文,請大家不要說我無賴,事關澳門遊真的已經沒甚麼好寫了。講食的無錯係有新推介,不過實在太悶沒興去寫。講賭呢,又會過於暴露我那喜歡不勞而獲的劣根性,形象恐怕會因此而進一步受損,加上我常常暗啞底流露有買波習慣亦沒人留言索料,足証看倌們對賭搏並不感興趣,既然沒同好,就只好打住。

在此非常衷心感謝眾多善長為完成本人那個連自己都唔係好積極去達成的目標而略盡綿力按下意見欄寫下幾筆,但我一邊看留言一邊在想,其實大家是否因為星期六《博愛》唔多想實牙實齒掟錢出來做善事,才醒起在這裏留個言諗住可以當補數呢?問題係,沒有奉獻金錢的善事是虛的,請大家千萬不要妄想會因為這樣而得到好報。

老實說,《無謂的目標》其實不過是眾多亂嗡無謂文章中其中一則,目標確實是那幾碼子事,但箇中內容絕無任何摺埋預兆蘊藏在內,看倌們無需抱著「牛下」又或「喜帖街」甚至乎「永利街」的心態來積極留言落力關注,所以未來日子若然見本部落格依舊在一星期那某三四天如常出文,請不要大吵大鬧落力柴台,本人係絕對唔會作出回水舉動的。

其實點講都好,見到留言眾多兼且突破目標何止會令我喜上眉梢,甚至還令我心情好像從深海中走到外太空一樣興奮得啪啪大笑,老實說,以上悉數無聊舉例以及充塞式文字皆不過是用來掩飾本人被各位留言而弄得羞羞臉的境況而已,還望大家千萬不要當真去看,嘻嘻。

8 comments:

Betty said...

哈..一下子被捧了上天, 如果这篇文章无人留言, 岂非太过难堪?

所以我略尽绵力吧, 反正我是贵BLOG留言常客.

你写的东西经常都是如此风趣幽默, 不知真人如何?

卡臣 said...

留番條腳毛先

袁健健 said...

小瓶子:
上天?唔係掛~~
你咁講就真係令我極端難堪了~~

無辦法啦,查實睇來睇去都係果幾個人,
唯有靠你留多D 喇~

唔,
真人多行不義,
人品麻麻~

卡臣:
你每一條留低的我都有仔細收起~

Jester said...

袁先生

您好

轉貼自Mirror
http://october22nd.blogspot.com/2010/02/blog-post_28.html

呃抱歉,拖了足足兩個月第一回才出來是我的不好,不是弄斷手就是time management不妥搞得遲遲未動工,最終要拖到冬奧假期的最後一日才完寫這短短的一篇,囧。


話說回來,本回合的限期將定於出文的兩週內,換言之第二回合將會在三月十五日前由《製 造 噪 音 的 文 字》誠意推出,敬請各位密切留意!


PS:至於今次遲了出文的懲罰係………登登登凳!Quote一下發起人袁生:「要做D 令自己出醜既無聊事,兼且要0係個BLOG 公諸於世~~」唔唔,好期待添。

一讀者上

袁健健 said...

Jester:
點解會有人催稿既???
咩除左兩條當事人之外,
重有人會注意呢件事架咩???
好詭秘呢~

最重要係,

我完全唔記得今日係限期呀!
我成日以為係禮拜尾呀!!
但家下一個字都未打喎,
得返三個鐘我搞唔掂架救命~
有冇得傾呀大佬?

............lu said...

你既文字好生鬼啊! 請你繼續勉強維持營業.

Jester said...

袁氐

您好!
催稿唔好咁講,作為一個貪小便宜等睇精彩小說既無名讀者冇資格催稿,催稿係老編做既野,唔係我.
係見袁氐閣下唔多記得,提一提而已!

放唔放你那要問下遠方既Miss. Iris, 佢先有權定罪量刑 ^^

我須手推下的流言數量,支持下貴 Blog既Blog國詐

一讀者上

袁健健 said...

Jester:
嘩,
精彩就愧不敢當,
但我相信兩日內可以完工架喇~~
希望可以緩刑啦。