Monday, 2 March 2009

大驚小怪。

這裏的短期租戶未必知,但若然長期客戶的話倒應該略知一二,小弟在男子漢排行榜來說,其實一直都名列最後幾名,一點都唔似男人之餘,而且還十分之懦弱的。男子漢應該具備些甚麼?除了流血不流淚,在我知識層面上起碼就要包括精通所有數碼娛樂產品了。

先除去由細到大都缺乏興趣的電腦產品,就連曾經酷愛打機的我,對電子遊戲產品都是處於極Out 位置,家裏那部Playstation,出碟槽已經跟陳年《Winning》融為一體,其餘那些甚麼新Game 鉅作,一點興趣都沒有,何況那些新出的跨世代遊戲機?所以近數年家裏的遊戲機已經處於封塵地位,打機興趣慢慢從生活中消退掉。

自從接觸過Xbox 360後,一切就有所改變。

就好像地球人遇上外星人、原始人駭見手電筒一樣,初次欣賞Xbox 細膩的遊戲畫面後,就只懂目定口呆的看著,其後經自己親手操控過、遊玩過後,不禁大鄉里的大喊一句:「科技真的日新月異啊!」遊戲畫面基本上已經可以說成是電影畫面,自己擔演主角動作流暢毫無雜質可言,感覺就好像想當年玩開平面足球遊戲初次接觸上《Winning》前身《Prefect Eleven》一樣,單單「巴治奧真係有條辮架」就足以令我樂得一陣子了。

對本人而言,遊戲畫面當然令人驚喜,但最令我拍案叫絕的,卻是那個流暢User Friendly 得令我大吃一驚的Xbox Live 功能,甫開機做了一些簡單的安裝手續,上網功能就已經正式啟動,跟著不論下載遊戲Demo、電影片段、遊戲附加功能等都輕而易舉,想足不出戶又或懷舊一番的,又可購買網上専用點數來下載一些重新製作的陳年舊Game,最令我意想不到的,就是上線共玩遊戲功能竟然能夠做得如斯完善,遊戲過程延誤甚少,畫面又照樣流暢沒停格,更甚可以配上隨機附送、連接著無線手掣的G4 通話器跟好友邊玩邊聊天,假若閣下有海外親友的話,每人一部,就真的連長途電話費都可以省掉,這相比起我以前的那部次世代,Xbox 360 真的跨了一個大世代,完全性超班。

連我這種對科技產品一毛不拔的老土怪都忍痛豪花數千來買入一部,其魅力可想而知。

老實說,人家出世兩年多才入手走來稿文撒野,自己寫落都有點汗顏羞羞臉,但沒法子,剛剛提著結他玩《Guitar Hero》出了一身熱汗感覺暢快,純綷有感而發而已。

PS:到分類才發現原來自己一直極少打這類純男性向文章,未來日子相信都不會再出現了,事關這些關於所謂「男人的玩具」的文章,自己打落睇番都覺得很悶很難頂,沒趣得令人作嘔。

6 comments:

Hana said...

唔係吖,寫哩都幾好吖!

Iris said...

你話純男性向, 咁我仲留唔留言好呢...


留囉。
我想要部Xbox360好耐啦, d畫面真係好靚! 可惜我好少係屋企打機, 多數都係返學途中先打番一兩粒鐘psp~

潤滑KY said...

Iris:
唔係男性向咩?
我打完之後覺得自己好Man喎~~

都係果句啦,打完之後:
「科技真的日新月異啊!」

你快d買部啦!!你買左可以一齊上網打嘛!

Iris said...

咁女性都可以係gamer黎架嘛~~ 而且我打完係好有成就感架咋喎! 除左血腥d果幾個game之外......

唉... Xbox360都係遲d先諗... 不過我姐夫有一部, 可以搵日約埋打喎!

潤滑KY said...

Iris:
不過講開又講,xbox又真係少d女孩子玩的~
我識的大多都係 wii 人~

你有都冇用架,要大家有埋一樣game 先一齊玩得架嘛~你姐有咩game,我最多即撲出去買~

Iris said...

wii玩得多唔知點解會好厭, 好在都唔係我買的。

我都唔知道佢有咩game, 佢有好多都係租返黎玩爆左就還, 印象中都唔覺有咩game係買既~

可以搵日我去租隻你有既返黎玩囉, 仲簡單~