Monday, 9 March 2009

陳年Tag:寫文者24問。

是日想玩Tag 文,事關過完大海財力心力皆耗得八八九九,但又想為自己部落格儲番一兩篇文為打後日子偷懶備用,唔用腦又完成時間快的,就只有Tag 文了。

其實此Tag 有「讀者與書」和「寫文者」選擇,自己一向少讀書又不太常看人家的部落格,選前者的話十條有八條都不知應該答甚麼,所以就選了「寫文者」。

特別嗚謝I 小姐賜Tag,雖明言無須要嚴格執行砌Tag 行動,但老實,有咩好得過慳水慳力又完成一篇部落文?所以我係有Tag 必玩的。

PS:原文為49問,但個人認為當中無謂沙石實在太多,就選了箇中24問出來答他個稀巴爛。


1)曾經用過哪些名字發表?
健健、潤滑KY、KY潤滑小子。

2)對於極短篇、短篇、長篇的字數認定?
極短篇為打滿ICQ 的Info 限制字數,短篇為一篇部落格文章,長篇為四篇部落格文章。

3)覺得對自己寫作影響甚深的作家/書/音樂?
蔡瀾、林海峰/天空小說/無。

4)寫文時有什麼禁忌嗎?
光猛地方集中力稍減六分一;開電視集中力減五分一;聽歌集中力減半;吃零食集中力減四分三;有人同我講緊野時集中力完全消失。

5)寫作時會避免用的字句?
很介意自己用得太多「的」和「了」結尾,所以每寫完幾句都會回帶一次Check 字,多餘的「的」同「了」會刪除。

6)寫文時的習慣是?
熄齊電視只開小小一盞燈,太靜怕有鬼的話開點音樂緩和恐怖氣氛。

聽純音樂好像很有格調很時尚,但所謂純音樂絕非莫扎特、貝多芬之流,而係,《水星領航員》囉,最有品味都係《依莎貝拉》原聲大碟而已,貪其播完好似無播一樣,完全唔覺煩擾。

7) 在晚上還是白天寫?
一定要深夜時段,否則的話集中力減半,事倍工半。

8)對於寫作這件事,有想達到的目標嗎?
有人睇、故事唔爛尾已經係個人最大成就。

9)對於寫作,有什麼樣的堅持?
盡量唔用括號,個人認為用括號係矛招、係旁門左道、係屈機金手指,假若自己不小心用了括號,我會想盡辦法維持相同意思而減去括號,假若事情係無可挽回的話,我係會覺得自己輸左,會有失落感的。

10)故事喜劇還是悲劇收尾多?
一定要悲劇,就算係喜劇都要暗藏悲情才是王道。

11)開始寫之前先幫文章命名,或是寫完後?
大多寫完先諗。

12)承上,通常是怎麼命名的?
歌名、歌詞、食字、好長的一句說話命名。

13)常引用其他出處看來的字句嗎?
經常性,我很喜歡用一些偏僻的電影對白又或被人遺忘了的歌詞去造句。

14)有因為發表文章而認識的友人嗎?
有,大多失望而回,因為自己真人落差太大。

15)再也不能寫作的話,願意拿什麼來交換寫作的機會?
重好,慳好多時間,時至今日仍然十分懷念年半沒寫部落格的生活,做人沒記托太舒服了。

但其實,無人用枝槍指住我個頭要我寫的,純心癮而已。

16)通常以什麼做為文章的中心?
唔應該咁諗的東西、歪理之類。

17)寫不出來的時候,會做什麼?
無計,對住部腦不停諗、踱來踱去不停唉聲嘆氣,直到寫得出字為止,又或走入房攤在床上慢慢諗,但九成諗到訓著的,所以少攤為妙。

18)經常出現在文中的字詞?
的、了、老實說、講真。

19)有不希望自己寫的東西被誰看到嗎?
非網上認識的朋友都不應該看。

20)寫一篇文章會修改幾次?
極多次,改到發炆。

21)花最久時間的文章是?
咸故,要不停切身處地去諗淫野化為文字之餘,重要有新意其實係好辛苦的。

22)列一下,到目前為止最滿意自己的文章?
所有鬼故。

23)承上,理由是?
鬼咩都得,故事發展很容易自圓其說,故事又可以亂黎不顧道理,很爽。

24)寫到這裡,對這份問卷的感想是?
趕客之選,如果唔係想交差的話,基本上係唔會掂的,我還是喜歡「寫自己十六項」多點。



本篇交差味極濃,下篇將回復正常。

4 comments:

sze said...

請問你d咸故貼左去邊呢?我搵極都搵唔到喎!!

潤滑KY said...

SZE:
0係舊BLOG「咸系故事」度~
呢度係搵極都搵唔到的。

講到尾其實得一篇~

小瓶子 said...

追紧你篇: 其實我們算不算做愛?, 快D post 埋出来啦, 唔好讲其他无谓野啦.

种有, 你旧BLOG条LINK呢?

潤滑KY said...

小瓶子:
舊blog=側邊「Link」既
●Eccentricity@Hompy●

篇野寫完,好流,爛尾~
唔好有期望。