妙手群英之壹號仁心。

在燈光昏暗、人客熙來攘往的酒吧內，穿著筆挺西裝繁著素色領帶的法醫官Joe Yeung 正緩緩步往店內某角落一張圓桌，而圍著該圓桌喝著威士忌談笑風生的，正是兩位同樣穿著沉色西裝架著眼鏡的短髮男士和一位穿著行政裝束女士。

如斯景致配上店內背景音樂，一言既之曰：中產。

「做咩笑得咁開心呀？講緊我呀？」Joe Yeung 趨前向在座三人寒喧起來。

「喂Joe，咁遲架你，坐啦。」律政處首席律師Ben Chow 笑著回應。

「叫野飲先。」Joe Yeung 向遠處侍者示意要一杯威士忌加冰後，回頭看現場三人，皆合不攏嘴。

「你地好似重未講比我知講緊咩笑得咁開心喎。」Joe Yeung 微笑向著處理法官Joseph Man 說。

「如果我地話你知並唔係講緊你，你會唔會好失望？」Joseph Man 表情認真卻微笑著。

「我在場令你地講得唔方便的話，我唔介意返屋企先架。」

「你返屋企都改變唔到我地對你睇法。」港島某醫院心臟科女主管Site Ting 加入戰團。

「重要咩？」

「每個人心入面都有某段關係又或某件事特別重要，我地講緊呢件事，對你黎講覺得重要都未定架。」Site Ting 厲著Joe Yeung 說，弄得Joe Yeung 不太自然。

「我唔反對你的睇法，但我覺得重要的事，睇唔到同你地所謂的睇法有咩關係喎。」

「其實好多事情究竟跟其他人有無關係，當事人都未必會清楚。」

「好喇好喇，你地唔好再玩阿Joe 喇，再玩佢嬲喇。」酒黨當中，Ben Chow 總擔演著打圓場角色。「叫野食啦，剩飲酒傷胃。」

「呢度有野食賣？咁又真係要試下喎。」Joe Yeung 初到貴境，不太清楚這間酒吧有啥東西供應。

輕談淺斟不夜天，不經不覺各款食物已經上桌，分好食具後，一眾人等食將起來。

「點呀Joe，好唔好食呢？」Joseph Man 吃著問。

「如果你話我知個主廚係意大利人，我都唔會感到意外。」Joe Yeung 放下刀叉，對著Joseph Man 說。

Joseph Man 笑而不語。

「係香港人呀。」Ben Chow 搶著回應。

「哦？呢個答案反而令我有點意外喎。」

「點呀，各位岩唔岩食呀？」Joe Yeung 向身後發聲處一望，瞥見跟前男士，差點興奮得怪叫出來。

「哈？係你Lo Mo？你幾時返香港架？」世界總廚協會的榮譽會員Lo Mo 是Joe Yeung 的莫逆之交。

「幾時返黎唔重要，最緊要我煮的食物岩唔岩你地口味。」

「口味好個人，我唔敢代佢地作答喎。」Joe Yeung 笑著以眼尾微微向在座其餘三人上揚。

在座三人先望著Joe Yeung 和Lo Mo，再相互對望輕笑。

「飲杯啦，老友！」


究竟酒友三人最初的話題是否談論著Joe Yeung？所說的又是否真影響了Site Ting 對Joe Yeung 看法？Joe Yeung 的重要事又會是甚麼？又是否真的與酒友們有關係？而Lo Mo 所煮的菜是否好吃？合眾人口味嗎？其他三名酒友又有甚麼感受？而Lo Mo 又到底在何時回港的？

中產的生活和對談方式一向都是這樣的，而我不是中產，所以我也不會知道。