Friday, 14 May 2010

Blogger 是怎樣煉成的?

好悶呀可?近月文章都好廢好悶呀可?悶到莫講話退出「追縱者」之列,甚至乎連Bookmark 都想「移除我的最愛」呀可?

明白明白,是我自己想太多了,事實是根本就從沒有人將本部落格加過入「我的最愛」,既沒緣起,試問又何來緣滅?我以後都不敢再夜郎自大了。問題係,若然大家都沒有將這裏加入過「我的最愛」,那當初又究竟藉著甚麼途徑入侵本部落領空範圍呢?雅虎之類搜尋器當然有成為網絡月老的潛質,但本部大大話話潛藏著十餘多常客,斷估都不會全數由搜尋器提供吧?


唔駛問阿貴,Blog 界女神素顏自然是其中一個人流供應商,大家在她那裏流連忘返又想了解她更多,就求求其其亂入側旁那些連結,誤打誤撞,就來了本部,很可惜本部跟其風格迥異,所以看了沒兩來日人流又流失了。會是攝影科長PY 氏嗎?但她的部落格貌似攝影為重細水長流喎,我的照相天份大家有目共睹,與PY 氏猶如風馬牛一樣。

照理鄉在加國人在港的企劃伙伴溫氏可以為這裏開拓海外巿場,但觀乎人流監察器,又好像沒太多加國人流入本部,惟有扮著天真對鏡自憐推說為文化差異吧,講開又講,第三回!去了哪裏你去了哪裏?東南亞天才部落界名寫作家卡臣的和我的出品同樣多字,有點雷同當然可以幫到手,但正所謂回頭太難,大家看過好的就沒興看差的了,所以看過卡臣,就不會再有人來這裏了,真慘。

我跟祁佳仕網交多年,雙方又一樣多字,點計都應該可以吸納若干她的信眾吧?無奈祁更新飄忽,好難捉摸呀!信眾見她沒更新就即時退出,沒暇餘會走過來的。跟祁佳仕有著同等年資的李小龍私生女更新甚少,沒可能沒可能。

大概處於隱形狀態的尖尾都有一定巿場佔有率吧?但其部落格甜蜜到漏油羨煞旁人,看完舌頭都在享受著餘韻,試問誰還有興走來這裏破壞浪漫滿屋?據了解我在網絡上一向予人黑心及虐蓄感覺,所以新納入連結的愛動物人士飛比大概都沒適合讀者可以供給我養份了。

還有誰呢?我生性不太勤力看部落格,有遺漏的話要麼見諒要麼公開/私下提出再後加,有拖無欠。


好悶呀可?近月文章都好廢好悶呀可?就連本篇都好像沒任何悔改傾向肆意亂咁黎呀可?明白明白,是我自己想太多了,其實大家一直都以只看頭關和結尾方式來對待本部落格,所以文章再悶再廢再冗長也好,都沒甚麼人可以看得出來。

唔,真遺憾呢。

20 comments:

Mr. Ball said...

而家睇blog我都唔用bookmark了
用google reader訂閱rss方便好多

而且第1次闖入貴境都係靠google reader個recommendation
同我相類似既人應該都有一定數量

但人流唔會反映到 因為唔會無啦啦click入黎
除非係留言

PS: 係google reader入面你都起碼有200幾人訂閱的。

卡臣 said...

點先?
你呢個亞太區blog界才子巨匠
咁又寫出洋洋千字
好似有嘢入口又好似無食過嘢
意境之高
拿捏準繩

我果面?
無人睇
所以無人流俾到你

你問有什麼遺漏?
有呀
我相信部分讀者經聶康康再到貴境
怎可漏了她呢?

Hui said...

couple months ago, my primary school friend on facebook has copied and pasted one of your blog post on her facebook note. i cannot type in chinese/cantonese, but i can read all right. your post was funny and made me think of my days back in Hong Kong : )

i added you on my google reader.

since then, i am used to reading your blog post before i go to bed zzzzzz : P

"add oil" ar! 潤滑KY!!! i love youuu!!! : P

Lui said...

是, 我是從素顏那邊link過來的
因為沒有訂閱rss, 所以很老土的把貴 blog放在我的最愛!
只是這個星期的事

不過這幾天文章已追溯到07年那個斷層了 XD
都是在公司看,哈哈哈

BTW,我中學時期曾住在鳳凰村,現在搬了去同區比較遠的半山喇, 鄰居!

潤滑KY said...

Mr.Ball:
google reader原來係咁用架?
我聽咁耐都冇試圖去用過,
還堅持用bookmark,
真係超落後。

卡臣:
即係明讚暗踩,話我専講廢話唧!?
你咁既行為等同0係我地頭起義,
因為完全講中哂所有人,包括我的心聲出來。

丫,你條友真係呢,體貼到呢,果然係東南亞天才部落界名寫作家,體貼到連唔關你事的都比你留意到,真係唔夠你玩。
等我轉頭諗到寫咩再加返三耳先~

潤滑KY said...

Hui:
很好奇妳的小學朋友post了那篇文呢,
可否透露一下?

十萬個感謝你的「i love youuu!!!」,
但我個blog 始終逃唔過「reading your blog post before i go to bed zzzzzz」的催眠厄運,好慘。

Lui:
嘩!幾日追到去07斷層?
閣下很有毅力之餘,工作還相當清閒喎。

咦?又係有錢人街坊喎,我最鐘意識有錢人,
係邊個半山先?係慈半山定竹枝山先?

溫老姊 said...

KY, 我是溫氏的老姊.
我喜歡你的幽默感!
我都用係用Google Reader架!
請繼續努力, 我肯定有很多讀者支持你架!

Lui said...

清閒的時候的確相當清閒...
曾經有更清閒的時候,
花了2星期在網上看了一整套鹿鼎記!
不過為了眼睛著想,就只此一次而已.

猜錯了...相反的方向,
另一邊的半山,近住"大酒店"那邊 XD

另外忘了說, 我會這麼努力追看,
除了我的毅力以外(?),
實在喜歡閣下所寫的文章 ^^ 請繼續努力呢

Iris W. said...

居然被唔識打中文既溫老姊搶先回應?!囧

其實呢,就連我果面都極少加國人瀏覽囉,唔知點解!

唔……第三回………唔……………

chaumet said...

雖然唔知發生咩事..但係都開始追看貴blog, support!!!

潤滑KY said...

溫老姊:
家姐你好,想不到你也有看,非常感謝。
據聞你中文打字很弱,但今次回覆卻很通順,
為證明真身可否在這裏用粗口提出問候句呢~?
嘻嘻嘻嘻~~XDDD

Lui:
返工睇劇?難道你返網吧?
哦~大酒店,那邊搭車好像比較麻煩。

很多字呢,相當感謝你的連環追看~

Iris:
居然被唔識打中文既溫老姊搶先回應?!
-可想而知你個人係幾咁過份啦...

都話要宣佈第二集係大結局架啦~!
又話我串你~

chaumet:
其實無事發生過,
我只不過想介紹一下部落友才寫此文,
再次感謝追看~

飛比 said...

哈哈,連我都有份?

我係 blog link blog 咁搵到黎...我有追蹤你個 blog 架,只不過前排去過d無電腦既原始生活所以先無上黎咋

仲有,老老實實,好明顯你呢度人流一定多過我過度多多聲啦,我成日都懷疑我果度其實係無人睇架囉 lol

Lui said...

網吧 XDD www....
我公司都係中環附近,係真正既半山

鹿鼎記為什麼會覺得是劇集?
我指的是小說...
如果唔係點會話眼都盲
個期我真係覺得自己近視深左100度
(睇完後來正常番)

Crystal said...

我係由你個女神個邊過黎ga...我個時睇到你個個麻煩同事,,好多嘴又低能個個呢?個篇野,笑到停唔到....之後就做左你粉絲了!

聶秀康 said...

最初也是從素妹那邊遊過來的,事以她的blog link就是我通常看的,其實也看到很多別人blogroll里有你的網誌連結啊!(果然受歡迎)

ps,感謝東南亞部落才子卡臣提示,好明顯袁部主沒來過我的拍烏蠅部落啦!不過你提下都覺窩心【淚ing】~雖然收看指標一向偏低!

仕仔 said...

嗱, 我係又放你入我的最愛, 又link你個blog到我網誌做好連結架, 都算唔話得喇o瓜, 話哂同你網交左咁耐. 咁我又係衰既, 寫下又唔寫下, 搞到就連我既讀者都就黎放棄我喇.

潤滑KY said...

飛比:
梗有你份,我有納你入連結架~
你果樹一定有人睇,起碼我有睇,哈哈。

Lui:
又係奇喎,點解第一時間我會諗劇集?
真係怪~

Crystal:
佢唔係我女神,佢係blog界既女神~

聶秀康:
大家都很比面link 我個blog,係得我咁衰好少link blog,所以家下先諗住一篇文link 返哂咁多人。

你個blog 咁受歡迎~我迫唔到入去呀XDD
個事實係我好唔勤力睇BLOG。

仕仔:
嘻嘻,網交咁多年,最大盟友啦,點會話你丫~
不過呢,
講開又講...
個第五回......唔...

仕仔 said...

第五回仲o係個腦到...唔係電腦, 係人腦. 應該都要六月啦, 因為我六月中考驗, 唔係話依家唔寫得, 但六月考驗依家都唔努力溫書仲玩寫blog(仲有微blog), 真係自己都覺得有d過份呀.

walkinginpark said...

其實我都係由素顏天使度LINK過O黎既。
訓唔著咪周圍睇下囉。
你個BLOG係「我的最愛」o黎ga,其實黑心同虐蓄都有市場既,純粹搞笑都幾好睇丫...
你D美食BATTLE都唔錯丫。

JAMI said...

我都有看開你的...不過都沒BOOKMARK..沒LOGIN IN ..哈...加油啊~