Wednesday 9 June 2010

《打擂台》。


實不相瞞,現在我正含著泡淚打文章,只能盡力做到有條不紊將本文打好。

《打擂台》缺點其實不算少,開首劇本乏力、起承轉合位亦經營得不太妥當,不知是否戲院質素問題,收音還不時出現大細聲狀況,難免予觀眾突兀之感,但假若退一步不以尋常電影的規範去看,《打》片內不少細節位其實盡顯心思和誠意,尤其喜歡模仿邵氏武俠片的close up 鏡頭和出場人物介紹,相當具玩味,不過講開又講,找來譚炳文當說故事人無錯係有點古祖風,但個人認為電影以旁述作串連故事屬低手行為,甫投入,又被旁述以讀白形式交代劇情的聲音所喚醒,所以電影前半段我係睇得唔多聚財的。

黃又南美其名為男主角,但論搶戲必屬三位前輩級演員莫屬,陳觀泰忠厚穩重個性甚有梁寛味道,梁小龍擔演潦倒殘缺弟子演得入型入格,而泰迪羅賓演出則最為有驚喜,扮演武藝高強師傅莊諧並重亦有型有款,為開首乏力故事注入大量活力及樂趣,一邊看一邊想起他與曹永廉和鄭嘉穎合演的陳年舊作《香江花月夜》,兩片皆演得無懈可擊,令人印象深刻。

又南一身古風瘦削身段在本片並無用武之地,表現中規中矩,始終認為《一碌蔗》才是其電影代表作;賈曉晨廣東話有大幅度進步,在戲中擔演可有可無花瓶角色,但都沒差啦,其甜美帶掘強長相帶七分傲嬌,個人來說相當受落;歐陽靖一不小心會打錯歐陽晴,但想起《ABC》內「立字做個青字睇清楚條頸」,即時更正。Mc Jin 作為新人演出流暢相當稱職,惟獨不諳中文字關係,對白總予人逐字逐句彈出過份字正腔圓之感,略欠自然。

《打擂台》小本製作誠意十足意念有趣實在捨不得柴台,但電影裏頭滿有缺點未必人人接受得了卻是不爭事實,還望最終票房不會太難看,嚇怕投資者好了。

4 comments:

Mr. Ball said...

借問聲其實廣大既讀者們係咪開始可以期待傳說中既逾時處罰?

袁健健 said...

喂!
點解有人會記得架!?
我真係諗住無人睇而側側膊賴皮架喎!

Mr. Ball said...

咁岩路過你對家個blog記得返
又望望日曆 時限已過
咪提下你囉XD

walkinginpark said...

唔好喊啦,袁健健小朋友。