Friday 1 April 2011

囍。

大家有察覺到近幾個月本部格更新越來越少嗎?沒法子,在公來說本人確實很悠,但在私,近月真箇忙得不可開交。

究竟忙些甚麼會去到不可開交這個地步呢?請容許我在這裏向小貓三四隻的微型讀者群宣佈:

咳咳,我將要告別單身,要結婚了。

係咯,一直對婚姻事宜沒憧憬,完全不懂得結婚樂趣的我,始終都逃不過命運,拉埋收場。

我明白的,我明白大家在想甚麼的,因為我自己都是這樣的一個賤人,聽到同輩請飲,就耐不住口彈出一句「有左呀?」出來,小人之心慘被表露無遺。老實說,兩張野都差不多走到盡頭,結婚成親乃正常不過的事,幹嘛總要度君子之腹憶測人家米已成炊?說穿了,就是不承認自己已經慢慢走到人生另一個階段,大了成熟了要負責任了,童心敵不過現實,就不能再胡亂去玩了。

決定結婚擺酒一刻,不知怎的第一件衝上腦門的事就是兄弟姊妹任命問題,朋友少嘛,要從不算手足情深的朋友中選出一個最親暱的為伴郎已經有夠我頭痛,再來還要湊夠幾人組成見得人的兄弟團,就更加要了我的命,有想過嗎?最相熟的那幾個朋友已經被我納入為兄弟了,那賓客當中究竟還可以有幾多人屬於本人族裔?喜宴中跟兄弟們落台巡迴敬酒,但敬來敬去盡是三唔識七的女家親屬,大概醉都醉得了無生趣、玩得不會太過癮吧?

實不相瞞,其實我真的想過連定期到本部落格參觀的讀者都一拼邀請來充撐場面,為免被暗唱屈水,最多入場費酌情處理,打過五折皆大歡喜,但想深一層,我充撐場面都不過為面子而已,若然在網上向網友發請帖,恐怕只會釀成未擺酒、先丟臉局面,再講,讀者就只有前述小貓三四隻那麼的多,全數出席亦僅能填滿一張麻雀檯,冷清的依舊冷清,還額外添加了一絲悲涼,玩下手不慎被知情人士搗破並在高登起義,嗚哇,還是不要了。

唉,明明日子已經越來越近,酒席未議好,嫁妝又未傾妥,甚至連基本概念都沒建構清楚,幹嘛還總是滿腦子不切實際的無謂小問題?不在其位不明其情,我開始感受得到一眾新人所面臨的沉重壓力了。

真的太緊張,已經沒甚麼可以說,只能盡力而為,還望最終不會太失禮吧。


最後,祝大家愚人節快樂。

35 comments:

卡臣 said...

頂! 仲等我戥你開心咗幾分鐘添

悟樂 said...

你..................................................................!!!!!!!!

ki spy said...

本來仲諗緊講咩恭喜說話......頂你

cdrom said...

-_- 仲諗住話我決定唔做cdrom去飲你餐酒

CDrom no.2 said...

我呢個cd-rom2號都忍唔住想講,真係以為你呢條友仔結婚喇!!!

SZE said...

=__=!!我仲以為你真係結婚.....

cdrom no.3 said...

睇唔到最後一句就想入黎祝你愚人節快樂.我自己do o係 fb 講左成朝, 又中六合彩又結婚又盛... XDD

Anonymous said...

咳咳,你究竟講真定講假?
SR

chaumet said...

喂...okay wor!!!!比你厄左幾分鐘!!!

CDROM4 said...

話第二個都可能會信,你?一睇就知冇可能啦

cdrom no.5 said...

身為定期cdrom, 都忍唔住要留個comment俾你.
真係好認真諗係唔係慘到要請貴blog既讀者...................... -_-

PY said...

頂,仲諗住你泊到好碼頭!!!

Crystal said...

Oh ya! i got fool~~~

Anonymous said...

你成功了

a....said said...

諗住買份賀禮下你添....

袁健健 said...

嘩,久違了的熱鬧!
令各位失望有點唔好意思添~哈哈XDD

不過CDROM竟然能夠去到五號,
真係始料不及,好感動。

Anonymous said...

等我睇完仲震驚加傷心左一陣!!好彩係講笑!
(咁我都仲可能有機會wor,hehehehe)

cdrom no.6上

袁健健 said...

cdrom no.6:
嘩,唔理真真假假,
妳咁講真係開心到我暈低。

只要妳唔係雄性,
大門永遠為妳而開啊~
大前題係妳要走出cdrom呢個陰霾囉老友

cdrom no.7 said...

開頭仲好鄧你開心添~ 你成功鳥

I L. said...

玩野R!!!
我真係信左!平時潛開水都要cm!

Nicole said...

cdrom no.8
頂...我以為你講堅...

S said...

又是一枚cdrom,
聽到你話結婚,我竟然覺得有些失望呀!個心離左一離!
完全唔知失什麼鬼望,明明無(其)望;(忘了點寫)
話時話,我有關注你weibo,想請問點解你食咁多野都唔肥?!睇親都覺得呢條友係咪痴線!?

Anonymous said...

看畢全文乍喜還驚祗有一言相送:「X.............!」

袁某某忠粉總動員 said...

差點做成生果A1 caption「多名妙齡少女因博界才子袁某公報婚訊而絕望走上FFC...」....麻煩才子另發新文安撫一眾痴心粉絲,包括在下...嗚嗚嗚

said...

唉, 我一看到這文的開頭, 便立即看個結尾, 然後才看文章內容. 就係因為咁沒被騙倒, 所以嘗不到痴心粉絲那種心情跌宕的滋味啊, 激氣 !

Neville said...

仲想話做左咁耐 CDROM 都要浮上水恭喜吓~
真心想講… 頂你呀!

phyllis said...

嘿...被整蠱了都覺得好好玩

素顏天使 said...

你個仆街!

袁健健 said...

呢篇花了一小時就完成的狗嗡文竟然得到有史以來最多的評論,真替以前我花落的心機感到遺憾...

S:
微博有關注我應該揚聲示意嘛,
食極都唔肥只係假象,要放相梗係放最好,
唔通貼D影到自己好叉肥的相上微博咩傻豬~

袁某某忠粉總動員:
妳的行文語氣很熟口面~

素顏:
始終都係妳鬧得最奔放~


今次咁多人中招真係始料不及,
大家真係單純...噗~

Anonymous said...

cdrom 10

你... 勁喎呢招!!!

Anonymous said...

仲諗住俾個祝福的擁抱你... 去死啦你!!

carmen

Anonymous said...

cdrom 11 anna
我開頭都不開心左一陣,哈。。。

袁健健 said...

cdrom 11 anna :

都係果句多謝比面啦~

Anonymous said...

mo duck ding~~

Walkinginpark said...

愚人節過左咁Q多日至中招,真係唔抵!